LIGJI PËR GJUETINË - Nr.10 253, datë 11.3.2010

User avatar
Libraria UBT
Posts: 96
Joined: 06 Jul 2015, 19:54
Rreth Jush: Libraria Universitare e UBT-së është një subjekt shërbimi i specializuar në shpërndarjen e librit, pranë Universitetit Bujqësor të Tiranës. E kryen këtë aktivitet që nga viti 1998.

Qellimi i saj është promovimi dhe shpërndarja e librave që kanë si objekt fushat e studimeve universitare të UBT-së, për studentët dhe të interesuarit e tjerë.
Misioni: Të bëhet një pikë gjithnjë e më atraktive për shpërndarjen e librit me profil bujqësine, agrobiznesin, ekonominë, mjedisin, veterinarinë, bioteknologjinë, ushqimin dhe pyjet, për studentët e UBT-së, stafin dhe të interesuarit e tjerë të këtyre fushave.

Libraria Universitare e UBT-së, ofron për studentët dhe lexuesit libra në fushat: Sociologji, Drejtësi, Personalitete, Filozofi, Psikologji, Fjalorë, Histori, Letërsi artistike etj.

LIGJI PËR GJUETINË - Nr.10 253, datë 11.3.2010

Postby Libraria UBT » 25 Jul 2015, 13:12

LIGJI PËR GJUETINË - Nr.10 253, datë 11.3.2010

I azhurnuar me Ndryshimet e ligjit - Nr.43/2013,datë 14.2.2013

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI I REPUBLIKËS SË SHQIPËRISË VENDOSI:


KREU I
DISPOZITA TË PËRGJITHSHME


Neni 1
Qëllimi

Ky ligj ka për qëllim:
a) përcaktimin e rregullave e të kërkesave për zhvillimin e gjuetisë, si një veprimtari tradicionale, sportive, çlodhëse dhe turistike;
b) menaxhimin e qëndrueshëm të gjuetisë, duke e vlerësuar faunën e egër si pasuri kombëtare që administrohet dhe mbrohet me ligj;
c) garantimin që parimet për gjuetinë të zbatohen në mënyrë rigoroze, duke ruajtur tërësinë e ekosistemit dhe baraspeshën ekologjike;
ç) mosdëmtimin e llojeve të faunës së egër e të habitateve të tyre gjatë ushtrimit të gjuetisë;
d) respektimin e së drejtës së gjuetisë dhe të të drejtave mbi gjahun, mbi trofetë e produktet e gjuetisë dhe të tregtimit të tyre.

Neni 2
Përkufizime

Në këtë ligj termat e mëposhtëm kanë këto kuptime:
1. “Gjueti” është veprimtaria e specializuar e shfrytëzimit të faunës së egër, që ka të bëjë me ndjekjen,
kapjen, vrasjen e kafshëve e të shpendëve, objekt gjuetie, me metodat e përcaktuara me ligj.
2.“Gjueti e qëndrueshme” është përdorimi i gjuetisë vetëm në respektim të vijueshëm të ruajtjes së
biodiversitetit, të tërësisë së ekosistemit dhe të baraspeshës ekologjike.
3. “Menaxhimi i jetës së egër” është zbatimi i njohurive shkencore dhe tradicionale për përkujdesjen e
popullatave të llojeve të faunës së egër e të habitateve të tyre, në mënyrë përfituese për mjedisin dhe shoqërinë.
4. “Sezoni i gjuetisë” është koha kur është e lejuar gjuetia për lloje të faunës së egër, objekt gjuetie.
5. “Zonë gjuetie” janë pjesë të sipërfaqeve tokësore dhe ujore, të shpallura si të tilla me një akt
normativ, ku jetojnë lloje të faunës së egër, objekt gjuetie dhe të cilat mund të shfrytëzohen për ushtrimin e gjuetisë.
6. “Zona të ripopullimit dhe të kapjes së gjahut për ripopullim” janë pjesë të sipërfaqeve të fondit pyjor
dhe kullosor, të paracaktuara për shtimin e popullatave të llojeve, objekt gjuetie.
7. “Rezervate të mbarështimit të llojeve të faunës së egër, objekt gjuetie” është sipërfaqe jo më e vogël
se 40 ha që përdoret për kultivimin gjysmënatyror të një apo disa llojeve të faunës së egër, objekt gjuetie.
8. “Menaxhuesi i zonës së gjuetisë” është personi fizik ose juridik, që menaxhon zonën e gjuetisë, sipas dispozitave të këtij ligji.
9. “Trofe të gjuetisë” janë pjesë të objekteve të gjuetisë të përpunuara, të fituara me anë të gjuetisë, të
cilat shfrytëzohen për qëllime shkencore, estetike, kulturore dhe studimore.
10. “Produkte të gjuetisë” janë objekte gjuetie të përftuara me anë të gjuetisë, të kapura gjallë, të
therura, të rrjepura, pjesët e tyre, si mish e nënprodukte të tij, përfshirë trofetë e gjuetisë.
11. “Norma e gjahut” është sasia e individëve të llojeve të faunës së egër, objekt gjuetie, e lejuar për t’u
vrarë nga një gjahtar në një ditë gjuetie.
12. “Kapaciteti i lejuar i zonave të gjuetisë” nënkupton:
a) sasinë maksimale të gjuetarëve, që mund të gjuajnë në një ditë, në një zonë të gjuetisë, duke
respektuar rregullat e sigurimit teknik;
b) numrin e individëve të llojeve të faunës së egër, objekt gjuetie, që mund të gjuhen në një ditë, në një zonë të gjuetisë.
13. “Lloje, objekt gjuetie, në kushte gjysmë të lira” është mbajtja e individëve të llojeve të faunës së
egër, objekt gjuetie, në kushte të krijuara artificialisht, ku ato ushqehen, kryesisht, me ushqime
natyrore, por nuk kanë mundësi të lëvizin lirshëm jashtë kufijve të pjesës së izoluar të zonës së gjuetisë.
14. “Lloje, objekt gjuetie, në gjendje robërie” është mbajtja e individëve të llojeve të faunës së egër,
objekt gjuetie, në territore të rrethuara, ku ato nuk kanë mundësi të ushqehen me ushqime natyrore dhe të dalin nga këto territore.
15. “Dhënia me qira e zonës së gjuetisë” është dhënia në shfrytëzim e zonës së gjuetisë, nëpërmjet
procedurave të ofertës publike, personave fizikë apo juridikë, për një afat deri në 10 vjet.
16. “Plani menaxhues” është dokumenti zyrtar, në bazë të të cilit bëhet menaxhimi i llojeve të faunës së
egër, objekt gjuetie dhe i zonës së gjuetisë për një afat kohor prej 10 vitesh.
17. “Plani vjetor i përdorimit të llojeve të faunës së egër, objekt gjuetie” është dokumenti që, në
përputhje me planin 10-vjeçar të menaxhimit të një zone gjuetie, jep me hollësi veprimet për
menaxhimin e gjuetisë në një zonë konkrete, gjatë një viti.
18. “Gjueti turistike” është veprimtaria e kryer nga gjuetarë, që udhëtojnë në distanca të
konsiderueshme nga vendi ku jetojnë ose nga zona e tyre e gjuetisë dhe shpesh jashtë vendit, për qëllime gjuetie.
19. “Gjueti turistike e organizuar” është përdorimi i paguar i veprimtarisë së gjuetisë dhe i produkteve të
saj, të lidhura me krijimin dhe përdorimin e shërbimeve.
20. “Operator i tureve të gjuetisë” është agjencia ose janë agjentët që sigurojnë shërbime për turistët gjuetarë.
21. “Manuali i gjuetarit” është tërësia e rregullave dhe e kërkesave, që karakterizojnë gjuetinë dhe figurën e gjuetarit.
22. “Trajner” është personi i specializuar për stërvitjen e qenve të gjahut.
23. “Ministria” është ministria përgjegjëse për gjuetinë.
24. “Ministri” është ministri që drejton ministrinë përgjegjëse për gjuetinë.


KREU II
LLOJET E FAUNËS SË EGËR, OBJEKT GJUETIE


Neni 3
Llojet, objekt gjuetie

1. Gjuetia ushtrohet vetëm mbi individë të llojeve të faunës së egër, që janë shpallur objekt gjuetie me
vendim të Këshillit të Ministrave, me propozimin e ministrit. Për përgatitjen e listës, ministria
bashkëpunon me institucionet kërkimore-shkencore përkatëse dhe me Agjencinë e Mjedisit dhe të Pyjeve.
2. Janë objekt i gjuetisë individë të llojeve të faunës së egër, lokalë ose migratorë, që jetojnë në gjendje
të lirë në kushte natyrore apo që janë riprodhuar për t’u gjuajtur në territore të rrethuara, në gjendje gjysmë të lirë a në robëri.
3. Nuk janë objekt i ushtrimit të gjuetisë dhe nuk lejohen të gjuhen individët:
a) e llojeve të faunës së egër, të mbrojtura nga konventat ndërkombëtare, ku Republika e Shqipërisë është palë;
b) e llojeve të faunës së egër, që janë të rralla, të kërcënuara, në rrezik zhdukjeje dhe që bëjnë pjesë në listën e llojeve të mbrojtura;
c) e të gjitha llojeve të shpendëve të egër migratorë, të cilët, pas vlerësimit të popullatave të tyre,
rezultojnë shumë të rrallë. Vlerësimi i llojeve migratore është pjesë e iventarizimit.

Neni 4
Gjuajtja e llojeve të ndaluara

1. Gjuajtja e individëve të llojeve të ndaluara, përjashtimisht, mund të bëhet në rastet:
a) e shtimit intensiv dhe të pakontrolluar të popullatës së një lloji;
b) e shfaqjes së situatave epizodike në llojet e faunës së egër;
c) e shkaktimit të dëmtimeve të vazhdueshme nga individët e një lloji.
2. Gjuajtja për rastet e përcaktuara në pikën 1 të këtij neni bëhet me autorizim të ministrit, në të cilin
saktësohen lloji, sasia, zona e gjuetisë dhe koha e gjuetisë.

Neni 5
Gjuetia reduktuese

1. Kur popullata e një lloji të faunës së egër e lejuar për gjueti është shtuar shumë dhe prish ekuilibrin e
zonës, zhvillohet gjuetia reduktuese.
2. Gjuetia reduktuese autorizohet nga ministri me propozimin e DSHP-së, e cila merr në konsideratë
informacionin e menaxhuesit të zonës, shoqatave të gjuetisë, njësive të qeverisjes vendore dhe institucionet kërkimore-shkencore.
3. Gjuetia reduktuese kryhet me gjuetarë të pajisur me leje vetëm gjatë sezonit dhe me metodat e lejuara të gjuetisë.

Neni 6
Gjuajtja për qëllime kërkimore-shkencore

1. Gjahu për qëllime shkencore përfshin gjuajtjen ose zënien e kafshëve të egra për hulumtime
shkencore, për mësim universitar, për shumim të kafshëve për gjah ose për qëllime të tjera didaktike.
2. Individë të llojeve të faunës së egër, që nuk janë objekt gjuetie, mund të gjuhen për nevoja të punës
kërkimore-shkencore, me miratim të veçantë të ministrit.
3. Gjuajtja për qëllime kërkimore-shkencore bëhet me autorizim të ministrit, brenda 20 ditëve nga data
e dorëzimit të kërkesës, në të cilin përcaktohet koha, vendi dhe metoda e lejuar e gjuetisë, llojet, objekt
gjuetie, arsyetimi i veprimtarisë që do të kryhet, si dhe detyrimi për të raportuar numrin e kafshëve të vrara.
4. Institucioni kërkimor-shkencor e realizon gjuajtjen, duke angazhuar gjuetarë të pajisur me leje gjuetie.
Në përfundim të gjuajtjes, ai dorëzon në DSHP raportin për rezultatet e arritura dhe të dhënat konkrete
për individët e vrarë apo të kapur.

Neni 7
Vrasja emergjente e kafshës së egër

1. Në rastet kur kafsha e egër kërcënon dëmtimin e shpejtë dhe të rëndë të jetës së njerëzve, mund të
bëhet vrasja emergjente e saj, për të parandaluar rrezikun në jetën e njerëzve.
2. Personat, që vrasin kafshët e egra gjatë rasteve të emergjencës, informojnë për këtë rast
menaxhuesin e zonës dhe DSHP-në përkatëse.
3. Gjahtarët, që plagosin gjitarë të mëdhenj, i ndjekin gjurmët e kafshës së plagosur e, nëse është e
nevojshme, lajmërojnë menaxhuesin e zonës më të afërt të gjuetisë.


KREU III
ZONAT E GJUETISË


Neni 8
Zonat e lejuara për gjueti

1. Gjuetia zhvillohet vetëm në zonat e lejuara për ushtrimin e gjuetisë.
2. Zonat e gjuetisë përfshijnë fondin pyjor dhe kullosor, tokat bujqësore, sipërfaqet ujore të brendshme,
toka të pafrytshme, të populluara me lloje të faunës së egër, objekt gjuetie. Perditesuar dhe Dixhitalizuar nga
3. Sipërfaqet e përmendura në pikën 2 të këtij neni përdoren për gjueti vetëm kur janë të përfshira në
territoret e një zone konkrete, të lejuar për gjueti.
4. Zonat e gjuetisë shtrihen në sipërfaqe që janë me pronësi shtetërore, private apo në përdorim komunal.

Neni 9
Zonat rezidenciale të gjuetisë

1. Për ushtrimin e gjuetisë nga personalitete politike e shtetërore të vendit, nga anëtarë të trupit
diplomatik, të akredituar në vendin tonë, si dhe nga personalitete, që vizitojnë vendin tonë dhe ftohen
për gjueti nga personalitetet vendase, krijohen zonat rezidenciale të gjuetisë.
2. Miratimi i këtyre zonave, rregullat e ruajtjes dhe të përdorimit të tyre, si dhe përcaktimi i rrethit të
personave që kanë të drejtë të gjuajnë në to, caktohen me vendim të Këshillit të Ministrave, me propozimin e ministrit.

Neni 10
Kriteret për krijimin e zonave të lejuara për gjueti

Për krijimin e zonave të gjuetisë mbahen parasysh këto kritere:
a) zona e gjuetisë krijohet në sipërfaqe jo më të vogla se 500 ha, ndërsa zona për kultivimin e llojeve të
faunës së egër, objekt gjuetie, krijohet në sipërfaqe jo më të vogla se 50 ha;
b) zona të mos përfshijë vendbanime dhe qendra ekonomike, tregtare, arsimore, sportive e fetare dhe
të ndodhet jo më pak se 300 metra larg prej tyre;
c) zona të jetë në vende, ku ushtrimi i gjuetisë nuk mbart rrezik për jetën, shëndetin dhe pronën e njerëzve;
ç) zona të jetë e populluar me llojet e faunës së egër, objekt gjuetie, që jetojnë natyrshëm apo që kultivohen në të;
d) numri i individëve të llojeve, që mund të jetojnë e kultivohen në atë sipërfaqe, të mundësojë gjuajtjen e tyre të programuar.

Neni 11
Vendet e ndaluara për gjueti

1. Ushtrimi i gjuetisë ndalohet në:
a) të gjitha sipërfaqet, që nuk përfshihen në një nga zonat e gjuetisë;
b) në monumentet e natyrës, rezervat strikte natyrore, parqet kombëtare dhe zonat Ramsar;
c) kullotat dhe livadhet në fazën e korrjes;
ç) fushat e kultivuara për prodhimin e varieteteve të farave;
d) vreshtat e mbjella rishtazi;
dh) vreshtat nga krasitja deri në vjeljen e prodhimit;
e) sipërfaqet e mbjella me drithëra, nga 1 prilli deri në përfundimin e korrjes së tyre;
ë) sipërfaqet ligatinore bregdetare, që shërbejnë si habitate për shpendët migratorë;
f) sipërfaqet ku zhvillohet akuakultura;
g) parcelat eksperimentale;
gj) hapësirat detare;
h) zonat e shpallura si zona me rëndësi të veçantë për shpendët;
i) zonat urbane dhe industriale;
j) aeroportet, heliodromet, rrugët dhe hekurudhat;
k) territoret e reparteve, të bazave e të instalimeve ushtarake;
l) varrezat dhe oborret e mbyllura;
ll) fidanishtet, pemishtet, vreshtat dhe kopshtet e destinuara për prodhim intensiv, në sipërfaqe deri në
100 ha, nëse janë të rrethuara, që pengon migrimin natyror të kafshëve të egra;
m) territore, ku vërtetohet prania e sëmundjeve me patogjenitet të lartë.
2. Sipërfaqet e përcaktuara në pikën 1 të këtij neni, me përjashtim të atyre të përcaktuara në shkronjat “c”, “d”, “dh” dhe “e”, nuk mund të përfshihen në territoret e zonave për gjueti.
3. Ministria publikon në faqen e saj të internetit hartat, ku pasqyrohen zonat e lejuara dhe territoret e ndaluara për gjueti.

Neni 12
Propozimi i zonës së gjuetisë

1. Drejtoritë e shërbimit pyjor, brenda dy viteve nga hyrja në fuqi e këtij ligji, studiojnë dhe propozojnë
zonat e gjuetisë në shkallë vendi, duke i paraqitur propozimin me materialet përkatëse ministrisë.
Materialet përmbajnë:
a) të dhëna mbi sipërfaqen, shtrirjen dhe kufijtë e saj;
b) hartën dhe skicat për plan-vendosjen;
c) mendimin e njësive të qeversjes vendore, në territoret e të cilave shtrihet zona që propozohet dhe të shoqatave të gjuetarëve.
2. Në përgatitjen e propozimit për shpalljen e zonave të gjuetisë zbatohen kërkesat e nenit 10 të këtij ligji.
3. Zonat e gjuetisë miratohen me urdhër të veçantë të ministrit.

Neni 13
Shqyrtimi i propozimit

1. Drejtoritë përkatëse teknike të ministrisë, brenda 20 ditëve pune nga regjistrimi i tij në protokoll, shqyrtojnë propozimin, si dhe:
a) studiojnë dokumentet e paraqitura nga DSHP-ja, duke kërkuar, sipas rastit, edhe plotësime e saktësime të tyre;
b) vlerësojnë përputhshmërinë e propozimit me kërkesat e këtij ligji;
c) vlerësojnë përputhshmërinë e propozimit me politikat, strategjitë e planet e veprimit për mbrojtjen e natyrës e të biodiversitetit;
ç) hartojnë mendimin e tyre me shkrim për propozimin e DSHP-së, të cilin ia përcjellin ministrit përnënshkrim.
2. Ministri miraton zonën e gjuetisë brenda një muaji nga data e paraqitjes së propozimit në protokollin e ministrisë.

Neni 14
Shpallja e zonës së gjuetisë

1. Ministria, brenda 5 ditëve nga miratimi i ministrit, shpall zonën e gjuetisë, duke njoftuar me shkrim
DSHP-në që ka bërë propozimin, organet e qeverisjes vendore ku ndodhet zona, si dhe shoqatën e gjuetarëve.
2. Shpallja e miratimit të zonës së gjuetisë përfundon me publikimin e saj në shtyp dhe në faqen e internetit të ministrisë.
3. Personat, që mendojnë se cenohen nga shpallja e zonës së gjuetisë, mund të ankohen në gjykatë
brenda një muaji nga shpallja e miratimit të zonës së gjuetisë.

Neni 15
Kufijtë e zonës së gjuetisë

1. Kufijtë e një zone gjuetie duhet të kenë vijimësi territoriale dhe të jenë në përputhje me relievin.
2. Përcaktimi i kufijve quhet i përfunduar, kur pronari ose menaxhuesi i zonës vendosin në terren shenjat dalluese të kufijve.
3. Ministri miraton udhëzimin për mënyrat e shënimit të kufijve të zonës së gjuetisë.
4. Askush nuk mund të marrë, të dëmtojë, të lëvizë ose të shkatërrojë shenjat e kufijve të zonës së
gjuetisë, pa lejen e menaxhuesit të saj.
5. Nëse tokat e një zone të miratuar bëhen të papërshtatshme për gjueti, për shkak të ndërrimit të
destinacionit, ministria miraton zvogëlimin e sipërfaqes së zonës së gjuetisë dhe menaxhuesi vendos në terren shenjat e kufijve të rinj.

Neni 16
Heqja e statusit të zonës së gjuetisë

1. Çdo zonë gjuetie e humbet statusin kur:
a) për interesa të sigurisë kombëtare dhe për nevoja të mbrojtjes, organet kompetente vendosin
ndryshimin e destinacionit të përdorimit të saj;
b) për nevoja të zhvillimit rajonal, organet kompetente vendosin ndryshimin e destinacionit të përdorimit të saj;
c) për shkak të përdorimit të keq dhe mbishfrytëzimit, zona humbet funksionet, për të cilat është krijuar;
ç) si pasojë e ndërhyrjeve të ligjshme, sipërfaqja e saj është zvogëluar nën minimumin e përcaktuar me këtë ligj.
2. Statusin e zonës së gjuetisë e heq organi që e ka miratuar. Heqja e statusit shpallet dhe publikohet me
të njëjtat kërkesa e procedura, si dhe dhënia e tij.

Neni 17
Zona të ripopullimit dhe të kapjes së gjahut për ripopullim

1. Për shtimin e popullatave të llojeve të faunës, objekt gjuetie, krijohen zona të ripopullimit dhe të kapjes së gjahut për ripopullim.
2. DSHP-të, në zbatim të objektivave të ministrisë për gjuetinë, brenda një viti nga hyrja në fuqi e këtij
ligji, paraqesin në ministri propozimet e tyre për shpalljen e zonave të ripopullimit në territoret që ato administrojnë.
3. Zona të ripopullimit shpallen territore të pyjeve dhe kullotave, jo më të vogla se 1 000 ha, ku
popullatat e një ose disa llojeve, objekt gjuetie, rezultojnë të pakësuara ndjeshëm nga mbigjuajtja ose për shkaqe të tjera.
4. Krijimi i zonave të ripopullimit mbështetet në kërkesat si më poshtë:
a) zona të ketë qenë tradicionalisht habitat i llojeve që do të ripopullohen;
b) sipërfaqja e saj të jetë biologjikisht e mjaftueshme për jetesën normale të llojeve;
c) zona të plotësojë kushtet për ushqim dhe riprodhim;
ç) shtimi dhe ripopullimi të bëhen me lloje vendase tradicionale;
d) të përcaktohen qartë në terren dhe në harta kufijtë e zonës.
5. Zonat e ripopullimit shpallen me urdhër të ministrit për një afat, të paktën, 5-vjeçar. Gjatë këtij afati,
në këto zona, gjuetia është e ndaluar.
6. Pas ripopullimit, këtyre zonave u hiqet statusi si zona të ripopullimit dhe mund të shpallen edhe si
zona të lejuara për gjueti, duke zbatuar procedurat për shpalljen e zonave të gjuetisë, të parashikuara nga ky ligj.

Neni 18
Rezervate të mbarështimit të llojeve të faunës së egër, objekt gjuetie

1. Rezervate të mbarështimit të llojeve të faunës së egër, objekt gjuetie, përfaqësojnë territore, në të
cilat fauna e egër mbarështohet në gjendje gjysmënatyrore me ndërhyrjen e njeriut me ushqim, me kushte strehimi e shumimi.
2. Personave fizikë dhe juridikë dhe shoqatave të gjuetarëve mund t’u jepen në përdorim për
mbarështim gjysmënatyror, të llojeve të faunës së egër, objekt gjuetie, sipërfaqe pyjore e kullosore jo
më të vogla se 40 ha dhe për një afat 10-vjeçar.
3. Këto sipërfaqe jepen nga DSHP-ja ose njësia e qeverisjes vendore që i ka në administrim, mbi bazën e
procedurave të konkurimit dhe lidhjes së kontratës me fituesin.
4. Pronarët privatë të pyjeve dhe kullotave mund të krijojnë në pronat e tyre rezervate të mbarështimit
të llojeve të faunës së egër objekt gjuetie.
5. Kriteret për sipërfaqet që mund të jepen për mbarështim të llojeve të faunës së egër, objekt gjuetie,
për dokumentet që paraqet kërkuesi, për procedurat e konkurimit, rregullat e administrimit dhe të
gjuetisë në këto sipërfaqe nga përdoruesi, përcaktohen me udhëzim të ministrit.

Neni 19
Zonat për stërvitjen e qenve të gjahut

1. Qentë e gjahut stërviten vetëm në zona të përcaktuara për këtë qëllim nga DSHP-të.
2. Gjuetarët dhe trajnerët respektojnë kufijtë e zonës dhe rregulloren e përdorimit të zonave të
stërvitjes së qenve të gjahut, të miratuar nga DSHP-ja.


KREU IV
MENAXHIMI I GJUETISË


Neni 20
Strukturat përgjegjëse për menaxhimin e gjuetisë

1. Menaxhimi i gjuetisë është administrimi i zonave të gjuetisë dhe zhvillimi i veprimtarisë së gjuetisë në
to organizohet e drejtohet nga ministria dhe kryhet nga strukturat e shërbimit pyjor dhe nga menaxhuesit e zonave të gjuetisë.
2. Në menaxhimin e gjuetisë, ministria përgjigjet për:
a) miratimin, organizmin dhe funksionimin e zonave të gjuetisë;
b) rrjetin e zonave të gjuetisë në shkallë vendi;
c) hartimin, miratimin dhe zbatimin e planeve e të programeve të zhvillimit të gjuetisë në shkallë vendi e për çdo zonë;
ç) realizimin e procesit të monitorimit dhe inventarizimin e llojeve, objekt gjuetie;
d) formatimin dhe administrimin e dokumentacionit standard, ku pasqyrohen të dhënat për gjuetinë për
çdo zonë e në shkallë vendi, si dhe veprimtaritë menaxhuese të saj;
dh) investimet dhe projektet për mirëmbajtjen dhe përmirësimin e zonave të gjuetisë.
3. DSHP-të menaxhojnë dhe kontrollojnë administrimin e zonave të gjuetisë, që janë në territorin e tyre
dhe kryerjen e veprimtarisë së gjuetisë në to.
4. Menaxhuesi i zonës së gjuetisë përgjigjet për menaxhimin e zonës së tij të gjuetisë dhe të veprimtarisë
së gjuetisë që zhvillohet në të.

Neni 21
Planet për menaxhim

Menaxhimi i zonave të gjuetisë dhe i llojeve, objekt gjuetie, kryhet në bazë të:
a) të programit kombëtar të zhvillimit të gjuetisë;
b) të planit menaxhues të secilës zonë gjuetie.

Neni 22
Programi kombëtar i zhvillimit të gjuetisë

1. Programi kombëtar i zhvillimit të gjuetisë pasqyron synimet dhe objektivat e zhvillimit të
qëndrueshëm të gjuetisë, metodat dhe rrugët për arritjen e tyre. Ai hartohet nga ministria për një
periudhë 10-vjeçare dhe miratohet me vendim të Këshillit të Ministrave, me propozimin e ministrit.
2. Ministria, gjatë përgatitjes së këtij programi, këshillohet me ministritë përkatëse e me shoqatën e
gjuetarëve, si dhe siguron që programi të jetë në përputhje me planet e zhvillimit të territorit dhe me
kërkesat e dokumenteve ndërkombëtare të kësaj fushe, ku vendi ynë është palë.
3. Ministria, brenda dy viteve nga hyrja në fuqi e këtij ligji, përgatit programin e parë kombëtar të
zhvillimit të gjuetisë. Pas miratimit, programi kombëtar i zhvillimit të gjuetisë publikohet në faqen e
internetit të ministrisë.

Neni 23
Përmbajtja e programit kombëtar

Programi kombëtar i zhvillimit të gjuetisë është dokumenti shtetëror që përmban:
a) synimet e politikave shtetërore për gjuetinë;
b) kërkesat e zhvillimit të qëndrueshëm të gjuetisë;
c) rrjetin e zonave të gjuetisë, në shkallë vendi;
ç) llojet e faunës së egër, objekt gjuetie;
d) kuotat e përafërta vjetore të gjuajtjes për çdo lloj të faunës së egër, objekt gjuetie;
dh) investimet, projektet dhe ndërhyrjet përmirësuese për çdo zonë gjuetie;
e) shtimin e popullatave të llojeve, objekt gjuetie dhe shpërndarjen e individëve në zona.

Neni 24
Plani i menaxhimit të zonës së gjuetisë

1. Menaxhimi i zonave të gjuetisë realizohet sipas planeve menaxhuese 10-vjeçare, të cilat i hartojnë
menaxhuesit e zonave të gjuetisë për zonën që menaxhon secili.
2. Plani menaxhues i zonës hartohet në përputhje me programin kombëtar të zhvillimit të gjuetisë, me
planet e mbarështimit të pyjeve dhe kullotave, me kushtet dhe mënyrën e shfrytëzimit të tokave
bujqësore e me planet e rregullimit të territorit.
3. Plani menaxhues i zonës përmban të dhënat për zonën, llojin dhe numrin e përafërt të individëve të
llojeve të faunës së egër, masat e kultivimit, të mbrojtjes dhe shfrytëzimit të tyre dhe mban parasysh
gjendjen numerike, strukturën e moshës dhe të gjinisë së llojeve të faunës së egër.
4. Planet menaxhuese të zonave të gjuetisë miratohen nga ministri, me propozimin paraprak të DSHP-së përkatëse.
5. Nëse në procesin e miratimit ministria kërkon përmirësimin e planit menaxhues 10-vjeçar,
menaxhuesi i zonës së gjuetisë bën përmirësimin e tij brenda 40 ditëve. Nëse ministri, brenda 30 ditëve,
nuk deklarohet për planin, ky plan vlerësohet i miratuar.
6. Në rast të ndryshimit të përhershëm dhe qenësor të kushteve e të rrethanave, ku bazohet plani
menaxhues 10-vjeçar i zonës, plani rihartohet në përputhje me kushtet e reja.
7. Deri në miratimin e planeve 10-vjeçare, menaxhimi i zonave të gjuetisë bëhet duke u mbështetur në planin vjetor të përdorimit të zonës së gjuetisë.

Neni 25
Plani vjetor i përdorimit të llojeve të faunës së egër, objekt gjuetie

1. Përpara çeljes së sezonit të gjuetisë, menaxhuesit e zonave të gjuetisë hartojnë planin vjetor të
përdorimit të llojeve të faunës së egër, objekt gjuetie, pa të cilin gjuetia nuk mund të ushtrohet në asnjë zonë.
2. Plani përmban veprimet konkrete të menaxhuesit për:
a) përllogaritjet e përafërta për fondin, për kapacitetin e zonës, për mundësinë e gjuajtjes;
b) shtimin e indvidëve të llojeve, objekt gjuetie;
c) ndërtimet, në dobi të llojeve të faunës së egër, si mjedise për të pirë ujë e çerdhe;
ç) mbjellje bimësh e sigurim ushqimi për llojet e egra, në periudha të vështira;
d) ndërtime në dobi të gjuetarëve, si pika vëzhgimi e ngrehina të thjeshta për ndenje;
dh) vendosje shenjash të kufijve, mirëmbajtje rrugësh e shtigjesh për gjuetarët.
3. Planet miratohen nga DSHP-të përkatëse brenda 20 ditëve nga dorëzimi për miratim. Nëse DSHP-ja
nuk e miraton brenda këtij afati, plani quhet i miratuar. Miratimi i planeve të zonave përfundon një muaj
para çeljes së sezonit të gjuetisë.
4. Menaxhuesit e zonave të gjuetisë paraqesin raport vjetor te pronari i zonës dhe DSHP-ja përkatëse,
për përmbushjen e planeve vjetore.
5. Të gjitha veprimtaritë e menaxhimit janë në përputhje me planet vjetore menaxhuese të miratuara.
Nëse, për shkak të fatkeqësive natyrore ose të rasteve të tjera emergjente, nuk mund të zbatohet plani
vjetor menaxhues, menaxhuesi njofton menjëherë DSHP-në përkatëse.
6. Metodikat e hartimit të planeve të menaxhimit të zonave të gjuetisë dhe planeve vjetore të
përdorimit dhe procedurat e miratimit të tyre përcaktohen me udhëzim të ministrit.

Neni 26
Menaxhuesi i zonës së gjuetisë

1. Menaxhuesi i zonës së gjuetisë është personi juridik ose fizik që përzgjidhet sipas një procedure ligjore konkurrimi.
2. Kërkesat dhe rregullat për të përzgjedhur menaxhuesin e zonës së gjuetisë miratohen me udhëzim të ministrit.

Neni 27
Të drejtat dhe përgjegjësitë themelore të menaxhuesve të zonave të gjuetisë

1. Menaxhuesit e zonave të gjuetisë:
a) sigurojnë funksionimin e shërbimit profesional për zbatimin e planit menaxhues të gjuetisë dhe
shërbimin e ruajtjes së gjahut;
b) organizojnë veprimtaritë e gjuetisë dhe u ofrojnë shërbime të tjera gjuetarëve.
2. Detyrat e menaxhuesit, në lidhje me planin e menaxhimit, inventarin e llojeve dhe rregulloren e
administrimit, përcaktohen me udhëzim të ministrit.

Neni 28
Dhënia në përdorim e zonave të gjuetisë

1. Zonat e gjuetisë mund t’u jepen me qira shoqatës së gjuetarëve dhe personave fizikë e juridikë me
kërkesën me shkrim të tyre. Dhënia me qira bëhet me kontratë për një afat jo më shumë se 10 vjet.
2. Zonat e gjuetisë jepen me qira, përmes ofertës publike, e cila shpallet pas themelimit të zonës.
3. Procedurën e ofertimit për dhënien me qira të zonës së gjuetisë e zhvillon, sipas përkatësisë së
pronës, DSHP-ja, në territorin e së cilës ajo gjendet, në bazë të dispozitave të ofertimit publik.
4. Për çdo rast të dhënies me qira të zonës së gjuetisë njoftohet shoqata e gjuetarëve.

Neni 29
Konkurrimi

Konkurruesit, brenda një muaji nga shpallja e ofertës, paraqesin në DSHP dokumentet si më poshtë:
a) kërkesën, që përmban gjenealitetet e kërkuesit (emrin, mbiemrin, adresën, pikën e kontaktit e të
komunikimit) dhe përmbajtjen e shkurtër të kërkesës;
b) plan-biznesin dhe investimet që do të bëjë në zonë;
c) vlerën e qirasë dhe afatin e pagesës së saj;
ç) autodeklarimin se i zotëron njohuritë dhe përvojën për të përdorur zonën e gjuetisë, në përputhje me
dispozitat e këtij ligji e me aktet nënligjore në zbatim të tij.

Neni 30
Vlera fillestare e qirasë

1. Vlera fillestare për qiranë e zonës së gjuetisë përcaktohet sa 50 për qind e vlerës të gjuetisë vjetore të
kafshëve të egra, të planifikuara sipas planit të përdorimit të llojeve të zonës së gjuetisë, të llogaritura sipas çmimit të tregut.
2. Vlera fillestare për qiranë e zonës së gjuetisë shërben si çmim dysheme për personat që do të marrin pjesë në konkurrim.

Neni 31
Kontrata e qirasë

DSHP-ja lidh me fituesin kontratë për dhënien me qira të zonës së gjuetisë, e cila duhet të përmbajë edhe:
a) emërtimin, madhësinë, kufijtë dhe infrastrukturën e zonës së gjuetisë;
b) llojin dhe numrin e përafërt të kafshëve të egra, objekt gjuetie;
c) masat për mirëmbajtjen dhe zhvillimin e zonës së gjuetisë;
ç) detyrimet për të investuar në zonë;
d) formën, sasinë dhe afatin e pagesës së qirasë.

Neni 32
Zgjidhja e parakohshme e kontratës

1. Kontrata e qirasë mund të zgjidhet para skadimit të afatit, për të cilin është lidhur, nëse:
a) qiramarrësi nuk e përdor zonën e gjuetisë në përputhje me këtë ligj dhe me kërkesat e kontratës;
b) për shkak të moszbatimit të masave të parashikuara në planin e menaxhimit, fondi i kafshëve të egra
ka rënë nën minimumin e parashikuar në këtë plan;
c) qiramarrësi nuk bën investimet e parashikuara dhe nuk i shfrytëzon ato për qëllime të përcaktuara në kontratë;
ç) qiramarrësi nuk e paguan qiranë për dy herë radhazi, në masën dhe afatin e parashikuar në kontratë.
2. Në rastet e zgjidhjes së parakohshme të kontratës së qirasë, ekspertët konstatojnë gjendjen faktike të
zonës së gjuetisë e të zbatimit të planit të saj menaxhues. Qiramarrësi detyrohet të bëjë kompensimin e
dëmit real, të shkaktuar në zonë, sipas çmimeve të tregut.
3. Përcaktimi i vlerës reale të dëmit bëhet me akt ekspertimi, të hartuar nga ekspertë të pranuar nga të
dyja palët kontraktuese ose të vendosura nga gjykata.
4. Në të gjitha rastet e zgjidhjes së parakohshme të kontratës së qirasë zhvillohet procedura e re e
ofertimit publik për dhënien e zonës së gjuetisë në përdorim. Deri në dhënien e saj në përdorim gjuetia
ndalohet, ndërsa masat e kultivimit dhe të mbrojtjes së kafshëve të egra i merr pronari i zonës ose personi i autorizar prej tij.


KREU V
USHTRIMI I GJUETISË


Neni 33
Sezoni i gjuetisë

1. Gjuetia ushtrohet vetëm brenda sezonit të hapur për gjueti, i cili përcaktohet sipas kritereve
gjeografike, klimatike e biologjike dhe miratohet me vendim të Këshillit të Ministrave, me propozimin e
ministrit. Për çdo vit, ministria publikon hapjen e sezonit të gjuetisë në faqen e saj të internetit.
2. Kohëzgjatja e gjuetisë sipas llojeve, si dhe ditët e lejuara për gjueti, brenda sezonit të gjuetisë,
caktohen me urdhër të veçantë të ministrit.
3. Dita e gjuetisë fillon pas lindjes së diellit dhe përfundon me perëndimin e tij.

Neni 34
Ndërhyrjet e detyruara në sezon

Nëse moti i keq, gjuetia e tepruar ose rrethana të tjera zvogëlojnë popullatën e llojeve të faunës, objekt
gjuetie, ministri, në bazë të kërkesës së arsyetuar të DSHP-së përkatëse, mund të ndalojë ose të
shkurtojë sezonin e hapur të gjuetisë. Ndalimi ose shkurtimi mund të jenë tërësorë ose të pjesshëm apo
vetëm për disa lloje, objekt gjuetie, mund të shtrihen në të gjithë vendin ose në zona të veçanta gjuetie.

Neni 35
Gjuetari

Gjuetar mund të jetë personi fizik që:
a) ka mbushur moshën 22 vjeç;
b) ka leje të mbajë armë;
c) ka fituar testin për çështjet teorike dhe praktike, që lidhen me veprimtarinë e gjuetisë;
ç) është pajisur me leje gjuetie;
d) njeh dhe respekton manualin e gjuetarit;
dh) merr pjesë në monitorimin dhe inventarizimin e faunës së egër të zonës së tij.

Neni 36
Testimi i gjuetarit

1. Personat, që synojnë të ushtrojnë gjuetinë, i nënshtrohen testimit të gjuetarit, sipas programit të miratuar nga ministri.
2. Programet e testimit hartohen nga ministria, në bashkëpunim me shoqatën e gjuetarëve e me
strukturat universitare të biologjisë dhe përmbajnë njohuri teorike dhe praktike për veprimtarinë e
gjuetisë e legjislacionin për të, për menaxhimin dhe përdorimin e llojeve, objekt gjuetie, njohuri për
biologjinë e llojeve të faunës, për mënyrat, metodat dhe mjetet e gjuetisë, njohuri për armët e gjuetisë
dhe përdorimin e tyre, për qentë e gjuetisë dhe për sëmundjet e llojeve, objekt gjuetie.
3. DSHP-të organizojnë testimin dhe formojnë komisionin e testimit, që funksionon në bazë qarku.
Komisioni drejtohet nga drejtori i DSHP-së dhe ka në përbërje përfaqësues të strukturave menaxhuese
të pyjeve, të Policisë Pyjore, të shoqatës së gjuetarëve dhe të strukturave universitare të biologjisë.
Komisioni i testimit mblidhet një herë në vit, jo më vonë se një muaj para çeljes së sezonit të gjuetisë.
4. Personat, që kalojnë me sukses testimin, pajisen me certifikatë. Formati i certifikatës miratohet nga ministri.

Neni 37
Kërkesa për t’u pajisur me leje gjuetie

1. Personat e testuar bëjnë kërkesë me shkrim për t’u pajisur me leje gjuetie nga DSHP-ja e zonës, ku ka
vendbanimin kërkuesi. Kërkesa përmban gjenealitetet e kërkuesit, zonën ku do të ushtrojë gjuetinë dhe
kohëzgjatjen e ushtrimit të saj.
2. Kërkesa shoqërohet me fotokopjen:
a) e certifikatës së testimit;
b) e lejes për mbajtjen e armës së gjuetisë;
c) e kartës së identitetit.
3. DSHP-ja shqyrton kërkesën me dokumentet dhe përgjigjet brenda 5 ditëve pune nga marrja e tyre në
dorëzim. Nëse DSHP-ja nuk kthen përgjigje brenda këtij afati, leja quhet e miratuar.
4. Ndaj refuzimit të DSHP-së, kërkuesi mund të ankohet te ministri brenda 10 ditëve nga data e marrjes
së vendimit. Ndaj vendimit të ministrit ose mospërgjigjes së tij, pas kalimit të afatit 10-ditor, kërkuesi
mund të ankohet në gjykatë brenda 30 ditëve.

Neni 38
Leja e gjuetisë

1. Leja e gjuetisë është dokumenti shtetëror, që i njeh të drejtën e ushtrimit të gjuetisë personit, që
plotëson kushtet dhe kërkesat e këtij ligji. Formati i lejes së gjuetisë miratohet nga ministri.
2. Leja e gjuetisë është personale dhe e patransferueshme. Ajo mbahet nga gjuetari sa herë që ai shkon
për gjueti dhe u paraqitet organeve të kontrollit, kur e kërkojnë.

Neni 39
Format e lejes së gjuetisë

1. Në varësi të vendit ku do të ushtrohet gjuetia, leja e gjuetisë jepet:
a) në të gjitha zonat për gjueti të vendit;
b) në të gjitha zonat për gjueti të qarkut ku banon gjuetari.
2. Në varësi të kohës kur do të ushtrohet gjuetia, leja e gjuetisë jepet për një afat 5-vjeçar ose për një
sezon gjuetie, në përputhje me kërkesën e gjuetarit.

Neni 40
Regjistri i lejeve të gjuetisë

1. Drejtoritë e shërbimit pyjor administrojnë regjistrin e lejeve të gjuetisë, sipas formatit të miratuar nga ministri.
2. Në regjistër shënohen leja e dhënë, emri dhe mbiemri i personit, të cilit i është dhënë leja, kohëzgjatja
e saj dhe zona ku ushtrohet, ndëshkimet eventuale të dhëna për mbajtësin e saj gjatë sezonit të gjuetisë dhe heqja e lejes.
3. Regjistri i lejeve të gjuetisë publikohet në faqen e internetit të DSHP-ve dhe është i hapur për publikun.

Neni 41
Heqja e lejes së gjuetisë

1. Leja e gjuetisë hiqet në çdo kohë kur mbajtësi i saj:
a) bëhet, nga ana shëndetësore, i paaftë për të ushtruar gjuetinë;
b) ka dhënë dokumente apo të dhëna të falsifikuara për kërkimin e lejes;
c) është ndëshkuar me masë administrative më shumë se dy herë;
ç) është dënuar penalisht nga gjykata e krimeve të rënda;
d) ia jep lejen një personi tjetër për ta përdorur.
2. Komisioni i shqyrtimit të kundërvajtjeve i DSHP-së që e ka lëshuar, pas shqyrtimit të shkeljes që ka
evidentuar inspektori i organeve të kontrollit, merr vendim për heqjen e lejes.
3. Ndaj vendimit të komisionit, gjuetari mund të ankohet te ministri brenda 10 ditëve nga data e marrjes
së vendimit. Ndaj vendimit të ministrit, ose kur ky nuk përgjigjet brenda 10 ditëve, ankimi mund të
bëhet në gjykatë brenda 30 ditëve nga përfundimi i afatit 10-ditor.

Neni 42
Leja e gjuetisë për shtetasit e huaj

1. Ushtrimi i gjuetisë nga shtetasit e huaj, rezidentë dhe jorezidentë në Shqipëri, mund të kryhet kur ata
pajisen me leje gjuetie.
2. Rregullat dhe procedurat e pajisjes së tyre me leje përcaktohen me udhëzim të përbashkët të ministrit
dhe të Ministrit të Brendshëm.

Neni 43
Gjuetia turistike e organizuar

1. Operatorët e tureve të gjuetisë, që kanë për objekt të miratuar organizimin e gjuetisë turistike,
organizojnë dhe drejtojnë zhvillimin e tureve të gjuetisë, në përputhje me dispozitat e këtij ligji e të
akteve nënligjore në zbatim të tij.
2. Me “Guida gjuetie” nënkuptohen personat fizikë, të aftë për të drejtuar grupet e gjuetarëve, duke
lehtësuar transportin, lëvizjen, akomodimin e tyre dhe sigurimin e kushteve për zhvillimin normal të gjuetisë në një tur gjuetie.
3. Marrëdhëniet ndërmjet grupeve të gjuetisë turistike dhe operatorëve të tureve të gjuetisë apo
guidave, që i organizojnë e akomodojnë turet e gjuetisë, rregullohen sipas dispozitave të legjislacionit
shqiptar dhe vullnetit të lirë të palëve.

Neni 44
Pagesat për ushtrimin e gjuetisë

1. Për ushtrimin e gjuetisë, gjuetari bën pagesën, e cila përfshin:
a) tarifën e lejes;
b) kuotën e gjuetisë për përdorimin e zonës së gjuetisë;
c) pagesën për çdo individ të llojeve, objekt gjuetie.
2. Niveli, koha dhe mënyra e pagesave të gjuetisë, të përcaktuara në pikën 1 të këtij neni, miratohen me
vendim të Këshillit të Ministrave, me propozimin e përbashkët të ministrit dhe të Ministrit të Financave.
3. Pagesa e gjuetisë shlyhet nga gjuetari, njëherësh, në çastin e marrjes së lejes së gjuetisë, duke
paraqitur në DSHP mandat-pagesën, që vërteton derdhjen e shumës në Buxhetin e Shtetit.

Neni 45
Metoda, teknika dhe mjete të ndaluara në gjueti

1. Askush nuk ka të drejtë të vrasë ose të zërë individë të llojeve të faunës së egër, objekt gjuetie, duke
përdorur mjete dhe metoda të zënies ose të vrasjes në shkallë të gjerë dhe në mënyrë joselektive si:
a) helm;
b) mjete, që shkaktojnë vrasje masive;
c) eksplozivë, kurthe, gropa, gracka, ngjitës për shpendë, grepa, rrjeta, karrem të helmuar ose mjete mashtruese;
ç) karrem të gjallë, të verbuar ose të sakatuar;
d) kuaj, qerre, automjete, barka me motor, që lundrojnë me shpejtësi mbi 5 kilometra në orë ose aeroplan për ndjekje;
dh) drita artificiale ose pasqyra ndriçuese;
e) pajisje elektronike për të përmirësuar pamjen në dritë të dobët;
ë) pajisje për imitim të zërit;
f) rrymën elektrike për të vrarë ose paralizuar;
g) tym ose gaz, që i detyrojnë kafshët të dalin nga vendet ku fshihen;
gj) rrjetat për kapjen e shpendëve.
h) armë automatike ose gjysmautomatike.
2. Gjuetari mund të përdorë qentë për ndjekjen e kafshës së plagosur, por nuk i lejon ata që ta mundojnë atë.

Neni 46
Veprime të ndaluara në gjueti

Me hyrjen në fuqi të këtij ligji, në territorin e Republikës së Shqipërisë ndalohet:
a) gjuetia, pa qenë i pajisur me leje gjuetie;
b) gjuetia e kafshëve dhe e shpendëve të egër, që nuk janë në listën e llojeve, objekt gjuetie;
c) gjuetia jashtë zonave të lejuara të gjuetisë;
ç) ushtrimi i gjuetisë në periudhën e ndaluar e jashtë sezonit të lejuar për gjueti;
d) ushtrimi i gjuetisë me mjete, mënyra e metoda, që ndalohen nga ky ligj e nga aktet nënligjore në zbatim të tij;
dh) vrasja e shpendëve në kohën kur u bien pendët, kur kanë ngrirë nga të ftohtit, si dhe kapja e kafshëve gjatë përmbytjeve;
e) ushtrimi i gjuetisë gjatë vërshimeve të ujërave, orteqeve të borës, akullit, zjarrit ose kushteve të tjera
të jashtëzakonshme natyrore, që vështirësojnë dukshëm lëvizjen e kafshëve;
ë) prishja e çerdheve, dëmtimi, mbledhja, marrja e vezëve dhe e të porsalindurve, vrasja ose nxjerrja nga
strofka dhe shfarosja e atyre që ndodhen në të;
f) vrasja e gjahut në kohën e riprodhimit dhe të rritjes së të vegjëlve;
g) gjuetia gjatë periudhës së shumimit apo të kujdesit për të vegjlit dhe për llojet migratore, gjatë
kthimit të tyre në territoret e shumimit;
gj) ushtrimi i gjuetisë në det dhe në sipërfaqet ku zhvillohet akuakulturë intensive;
h) vrasja ose kapja e individëve të llojeve, objekt gjuetie, mbi sasitë e lejuara;
i) gjuajtja gjatë natës, duke filluar me perëndimin e diellit deri në lindjen e tij;
j) dëmtimi i rrethimeve, i ndërtimeve për gjuetinë, i vendeve të gjuetisë, i tabelave e shenjave të kufijve, i kullave të vrojtimit dhe i kafazëve të vendosur për zogjtë.

Neni 47
Armët e gjuetisë

1. Gjuetia lejohet të kryhet vetëm me armë gjuetie të prodhuara për këtë qëllim dhe që plotësojnë kërkesat teknike të sigurisë.
2. Rregullat e mbajtjes, të ruajtjes dhe përdorimit të armës së gjuetisë gjatë gjuetisë dhe në çdo kohë e
vend tjetër miratohen me udhëzimin e përbashkët të ministrit dhe të Ministrit të Brendshëm.
3. Gjuetari i pajisur me armë gjahu të licencuar mund të mbajë thika dhe mjete të mprehta, si pajime të
domosdoshme gjahu, që shërbejnë për gjueti.

Neni 48
Deklarimi i gjahut

1. Në përfundim të ditës së gjuetisë, gjuetari deklaron te menaxhuesi i zonës numrin e kafshëve e të
shpendëve të vrara, duke i treguar ato, likuidon në vend pagesën për secilën dhe merr mandat-pagesën përkatëse.
2. Çdo gjuetar njofton dhe çon në qendrën më të afërt veterinare gjahun me shenja sëmundjeje.

Neni 49
Pronësia e gjahut

1. Gjahu i vrarë gjatë ushtrimit të gjuetisë i përket personit që e ka vrarë atë.
2. Gjuetarët e huaj kanë të drejtë ta marrin me vete gjahun e vrarë prej tyre, pasi të jenë pajisur me
vërtetimin e menaxhuesit të zonës së gjuetisë. Ministri miraton formatin e vërtetimit për nxjerrjen e gjahut jashtë shtetit.

Neni 50
Trofetë e gjuetisë

1. Trofetë e gjuetisë vlerësohen nga komisioni i vlerësimit të trofeve, që krijohet me urdhër të ministrit.
2. Komisioni i vlerësimit të trofeve përbëhet nga 7 anëtarë, të cilët propozohen nga shoqata e
gjuetarëve, si gjuetarë me shumë përvojë, nga fakultetet e biologjisë të universiteteve shtetërore dhe
nga ministria. Në bazë të këtyre propozimeve, ministri miraton përbërjen e komisionit.
3. Komisioni i vlerësimit të trofeve vepron pranë ministrisë për një afat 10-vjeçar. Ai mblidhet sa herë që
paraqiten kërkesa për shqyrtim dhe e shqyrton secilën brenda një muaji nga regjistrimi i saj në protokoll.
4. Për vlerësimin e trofeve të gjuetisë, kërkuesi paguan një tarifë prej 5 000 lekësh.
5. Funksionimi i komisionit dhe dokumentet që ai administron bëhen sipas rregullores së organizimit dhe
funksionimit të tij, që miratohet nga ministri.

Neni 51
Tregtimi i gjahut

1. Personat fizikë dhe juridikë mund të tregtojnë individë të vrarë të llojeve të faunës së egër, objekt
gjuetie, pjesë të tyre dhe trofe nga gjuetia, të siguruara në mënyrë të ligjshme dhe kur ato figurojnë në
listën e hartuar, sipas aneksit III të direktivës për shpendët, e miratuar me udhëzim të ministrit dhe
vetëm kur janë të pajisur me vërtetimin e lëshuar nga menaxhuesi i zonës së gjuetisë.
2. Individët e llojeve të faunës së egër, pjesët e tyre dhe trofetë e siguruara në mënyrë të paligjshme
konfiskohen nga organet e kontrollit për zbatimin e këtij ligji.

Neni 52
Shoqata dhe federata e gjuetarëve

1. Shoqata e gjuetarëve, si bashkim vullnetar i gjuetarëve dhe federata, si bashkim shoqatash, formohen
sipas dispozitave të ligjit nr. 8788, datë 7.5.2001 “Për organizatat jofitimprurëse”, të ndryshuar.
2. Federata përfaqëson bashkimin e shoqatave dhe mbron interesat e tyre në nivel kombëtar dhe
ndërkombëtar. Shoqata dhe federata kryejnë veprimtari që lidhen me trajnimin e gjuetarëve, me
bashkëpunimin për ruajtjen e ekosistemeve dhe pasurimin e burimeve të gjuetisë, me mbrojtjen e
mjedisit, kultivimin e etikës së gjuetarit dhe të traditave të gjuetisë.

Neni 53
Të drejtat dhe detyrat e shoqatës dhe federatës

Në funksion të zbatimit të dispozitave të këtij ligji, shoqata dhe federata kanë të drejtat dhe detyrat si më poshtë:
a) administrojnë regjistrin e anëtarëve të vet;
b) marrin pjesë në testimin e gjuetarëve;
c) japin mendim për krijimin e zonave të gjuetisë;
ç) marrin pjesë aktive në përpunimin e politikave, të planeve të menaxhimit e projekteve për gjuetinë;
d) luajnë rol aktiv në menaxhimin e zonave të gjuetisë;
dh) mbajnë lidhje të ngushta pune me strukturat përkatëse të shërbimit pyjor;
e) organizojnë veprimtari kualifikuese dhe edukuese për anëtarët e vet, për të respektuar manualin e gjuetarit.


KREU VI
MONITORIMI DHE KONTROLLI


Neni 54
Monitorimi i gjuetisë

1. Monitorimi i gjuetisë është proces i detyrueshëm, që drejtohet nga ministria, e cila harton programet
e monitorimit, përcakton metodat e grumbullimit të të dhënave e të përpunimit të tyre, si dhe ndjek zbatimin e tij.
2. Si pjesë përbërëse e monitorimit të faunës së egër, monitorimi i gjuetisë përmbledh monitorimin e
veprimtarisë së gjuetisë dhe monitorimin e zonave të gjuetisë.
3. Strukturat menaxhuese të pyjeve dhe kullotave, Policia Pyjore, njësitë tekniko-organizative të
qeverisjes vendore, menaxhuesit e zonave të gjuetisë dhe shoqatat e gjuetarëve ndjekin në vijimësi
zhvillimin e gjuetisë, duke nxjerrë të dhënat, sipas treguesve të përcaktuar në programin e monitorimit të gjuetisë.
4. Të dhënat vjetore të monitorimit grumbullohen në nivel qarku në DSHP, e cila ia dërgon Agjencisë së
Mjedisit dhe Pyjeve brenda muajit maj për vitin paraardhës. Agjencia e Mjedisit dhe Pyjeve përpunon të
dhënat e grumbulluara dhe rezultatet i publikon brenda muajit qershor në faqen e saj të internetit.

Neni 55
Inventarizimi i llojeve, objekt gjuetie

1. Popullatat e llojeve, objekt gjuetie, inventarizohen çdo vit në çdo zonë gjuetie, për të identifikuar
sasinë e tyre, shtesën natyrale vjetore të popullatës së secilit lloj, si dhe për të planifikuar sasinë e
individëve, që mund të gjuhen gjatë sezonit të ardhshëm në zonën konkrete. Në sezonin e ardhshëm
nuk mund të planifikohen për t’u gjuajtur më shumë se 10 për qind e shtesës natyrale të popullatës së llojit.
2. Inventarizimi dhe regjistrimi i llojeve dhe popullatave të tyre kryhen në bashkëpunim me shoqatat e
gjuetarëve dhe gjuetarët e zonës, nën drejtimin e menaxhuesit të saj, duke mbajtur parasysh kërkesat e veçanta të çdo lloji.
3. Menaxhuesit e zonave të gjuetisë, krahas grumbullimit të të dhënave për numrin e kafshëve të egra
brenda zonës, grumbullojnë edhe të dhëna të tjera për gjendjen e kushtet e jetesës së kafshëve në
zonën e gjuetisë dhe shënimet i dërgojnë në DSHP-në përkatëse, e cila mban regjistrin e kafshëve të egra të zonave të gjuetisë.
4. Metodika e regjistrimit dhe inventarizimit të llojeve dhe popullatave të tyre, si dhe dokumentet e
formatuara, ku pasqyrohen të dhënat dhe rezultatet e inventarizimit të llojeve, objekt gjuetie, miratohen me udhëzim të ministrit.

Neni 56
Kontrolli mbi gjuetinë

Kontrolli mbi gjuetinë, si pjesë e kontrollit për mbrojtjen e faunës së egër, është veprimtaria shtetërore,
që siguron zbatimin e dispozitave të këtij ligji, të akteve nënligjore në zbatim të tij, si dhe të konventave
përkatëse, ku Republika e Shqipërisë është palë.

Neni 57
Organet e kontrollit

1. Organi i specializuar i kontrollit për zbatimin e këtij ligji është Policia Pyjore, në bashkëpunim me
menaxhuesit e zonave të gjuetisë dhe me organet e kontrollit të njësive të qeverisjes vendore.
2. Kur organet e specializuara të kontrollit pengohen në kryerjen e detyrës, sipas pikës 1 të këtij neni,
kërkojnë ndihmën dhe bashkëpunojnë me strukturat e Policisë së Shtetit e të policisë bashkiake/komunale.

Neni 58
Kontrolli doganor

1. Fauna e egër, objekt gjuetie dhe produktet e gjuetisë në import dhe eksport i nënshtrohen
legjislacionit doganor në fuqi dhe udhëzimit të ministri për këtë qëllim.
2. Individë të vrarë të llojeve, objekt gjuetie, eksportohen, kur ato shoqërohen me vërtetim nga
menaxhuesi i zonës së gjuetisë dhe me raport nga shërbimi veterinar.


KREU VII
SANKSIONET


Neni 59
Kundërvajtjet administrative

Ndryshuar me ligjin nr.43/2013
Shkeljet e mëposhtme, kur nuk përbëjnë vepër penale, përbëjnë kundërvajtje administrative dhe
dënohen me dënim kryesor me gjobë si më poshtë:
1. Ushtrimi i gjuetisë pa u pajisur me leje gjuetie, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
2. Ushtrimi i gjuetisë jashtë sezonit të gjuetisë, të përcaktuar në urdhrin përkatës të ministrit, qoftë edhe
pa pasur gjah të vrarë ose të kapur, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
3. Gjuetia e kafshëve të egra, që nuk janë në listën e llojeve, objekt gjuetie, me
gjobë, në masën 80 000 (tetëdhjetë mijë) lekë deri në 100 000 (njëqind mijë) lekë.
4. Gjuetia në zonat e ndaluara për gjueti, me gjobë, në masën 80 000 (tetëdhjetë mijë) lekë deri në 100 000 (njëqind mijë) lekë.
5. Ushtrimi i gjuetisë me armë, që nuk lejohen për t’u përdorur si armë gjuetie, si dhe pa pasur lejen e
armës së gjuetisë, me gjobë, në masën 80 000 (tetëdhjetë mijë) lekë deri në 100 000 (njëqind mijë) lekë.
6. Ushtrimi i gjuetisë pa pasur me vete lejen e gjuetisë, me gjobë, në masën 10 000 (dhjetë mijë) lekë.
7. Mosdeklarimi i gjahut të vrarë dhe mospagimi i tarifës për çdo individ të vrarë, me gjobë, në masën 10
000 (dhjetë mijë) lekë deri në 20 000 (njëzet mijë) lekë.
8. Mosçuarja te veterineri i individit të vrarë, që dyshohet për sëmundje, me gjobë, në masën 10 000
(dhjetë mijë) lekë deri në 20 000 (njëzet mijë) lekë.
9. Mbledhja dhe grumbullimi i vezëve të shpendëve, objekt gjuetie, me gjobë, në masën 10 000 (dhjetë mijë) lekë
deri në 20 000 (njëzet mijë) lekë.
10. Mosndalimi i mjeteve pas sinjalit të organeve të kontrollit për zbatimin e këtij ligji, me gjobë, në
masën 10 000 (dhjetë mijë) lekë deri në 20 000 (njëzet mijë) lekë.
11. Gatimi në lokale i individëve të llojeve të kafshëve, shpendëve të egër dhe i peshqve e gjallesave të
tjera të detit, që nuk lejohen të gjuhen, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
12. Ushtrimi i gjuetisë në det, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
13. Ushtrimi i gjuetisë duke gjuajtur nga makina, nga mjetet e lundrimit (veç barkave që përdoren për
gjueti) dhe nga mjetet e fluturimit, me gjobë, në masën 80 000 (tetëdhjetë mijë) lekë deri në 100 000 (njëqind mijë) lekë.
14. Ushtrimi i gjuetisë me mjete e mënyra, që përbëjnë rrezik për njerëzit, për kafshët e shpendët, me
anë të zjarrit, me materiale që marrin zjarr shpejt, me lëndë eksplozive dhe helmuese, me hapje
gropash, me dritë, me ajër e gaz të komprimuar dhe natën, me gjobë, në masën 80 000 (tetëdhjetë mijë)
lekë deri në 100 000 (njëqind mijë) lekë.
15. Gjuetia me mjete dhe mënyra, që shkaktojnë vrasjen ose kapjen në masë të kafshëve e të shpendëve
të egër, si gracka, kosha, rrjeta, stampa imituese, aparate zëndjellëse apo kafshëve të gjalla, që përdoren
si karrem, që mund të jenë të verbra ose të gjymtuara, me gjobë, në masën 80 000 (tetëdhjetë mijë)
lekë deri në 100 000 (njëqind mijë) lekë.
16. Gjuetia me mjete elektrike, që mund të përdoren për vrasje dhe trullosje, ndriçues për qitje natën, të
përbërë nga zmadhues dhe zvogëlues elektronikë, pasqyra dhe mjete të tjera verbimi, me gjobë, në
masën 80 000 (tetëdhjetë mijë) lekë deri në 100 000 (njëqind mijë) lekë.
17. Mbajtja e armëve të gjuetisë të karikuara gjatë kalimit në qendrat urbane (në këmbë ose në makinë)
dhe transporti i tyre të mbushura, mbajtja dhe përdorimi i armëve të gjahut nga pesona të tjerë të
paautorizuar, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
18. Gjuajtja e shpendëve në kohën kur u bien pendët, kur kanë ngrirë nga të ftohtit, si dhe kapja e
kafshëve gjatë përmbytjeve, me gjobë, në masën 30 000 (tridhjetë mijë) lekë deri në 50 000 (pesëdhjetë mijë) lekë.
19. Prishja e çerdheve, dëmtimi, mbledhja dhe marrja e vezëve dhe e të porsalindurve, vrasja ose
nxjerrja nga strofka dhe shfarosja e atyre që ndodhen në to, me gjobë, në masën 30 000 (tridhjetë mijë)
lekë deri në 50 000 (pesëdhjetë mijë) lekë.
20. Kapja e gjahut në kohën e riprodhimit dhe të rritjes të së vegjëlve, me gjobë, në masën 30 000
(tridhjetë mijë) lekë deri në 50 000 (pesëdhjetë mijë) lekë.
21. Vrasja ose kapja mbi sasitë e lejuara, duke përdorur qen të tjerë, veç atyre të gjuetisë, ose gjuetia me
zagarë, duke kërkuar territorin pa armë gjahu, me gjobë, në masën 3 000 (tre mijë) lekë deri në 5 000 (pesë mijë) lekë.
22. Dëmtimi i rrethimeve, i ndërtimeve për gjuetinë, i vendeve të gjuetisë, i tabelave të çfarëdo lloji e
natyre qofshin, i kullave të vrojtimit dhe i kafazëve të vendosur për zogjtë, me gjobë, në masën 3 000 (tre mijë) lekë deri në 5 000 (pesë mijë) lekë.

Neni 60
Dokumentimi

Inspektimi dhe dënim
Ndryshuar me ligjin nr.43/2013,datë 14.2.2013
i i shkeljeve bëhen nga inspektori i Policisë Pyjore, në përputhje me këtë ligj dhe ligjin nr. 10 433, datë
16.6.2011 “Për inspektimin në Republikën e Shqipërisë”.
Gjahu i vrarë ose i kapur konfiskohet, leja e gjuetisë i merret, ndërsa armët e mjetet e gjahut
sekuestrohen me procesverbal dhe i dorëzohen me procesverbal Policisë së Shtetit. Arma e sekuestruar i
kthehet gjuetarit sezonin e ardhshëm pasi të ketë paguar gjobën përkatëse.
3.Masat e konfiskimit të gjahut të vrarë, marrjes së lejes së gjuetisë dhe sekuestrimi i armës janë dënime
plotësuese, që mund të jepen krahas dënimit kryesor me gjobë.

Neni 61
Shqyrtimi dhe ankimi

Ndryshuar me ligjin nr.43/2013
Shqyrtimi, marrja e vendimit përfundimtar dhe ankimi ndaj tij bëhen në përputhje me ligjin për inspektimin.

Neni 62
Pagimi i gjobës

Ndryshuar me ligjin nr.43/2013
1. Gjobat për kundërvajtjet administrative, sipas këtij ligji, paguhen brenda 30 ditëve. Personit nuk i
kthehen leja dhe arma e gjuetisë pa paguar më parë gjobën.
2.Të ardhurat e grumbulluara nga pagesa e gjobave derdhen në Buxhetin e Shtetit.


KREU VIII
DISPOZITA KALIMTARE DHE TË FUNDIT


Neni 63
Akte nënligjore

1. Ngarkohet Këshilli i Ministrave që, në zbatim të neneve 3 pika 1, 9 pika 2, 22 pika 1, 33 pika 1 dhe 44
pika 2, të nxjerrë aktet nënligjore në zbatim të këtij ligji.
2. Ngarkohet ministri që, në zbatim të neneve 15 pika 3, 18 pika 5, 25 pika 6, 26 pika 2, 27 pika 2, 50
pika 5, 55 pika 4 dhe 58 pika 1, të nxjerrë aktet nënligjore në zbatim të këtij ligji.
3. Ngarkohen ministri dhe Ministri i Brendshëm që, në zbatim të nenit 59 pika 2, të nxjerrin aktin
nënligjor në zbatim të këtij ligji.
4. Ngarkohen ministri dhe Ministri i Financave që, në zbatim të nenit 33 pika 2, të nxjerrin aktin nënligjor në zbatim të këtij ligji.



Neni 64
Shfuqizime

Me hyrjen në fuqi të këtij ligji, ligji nr. 7875 datë 23.11.1994 “Për mbrojtjen e faunës së egër dhe
gjuetinë”, i ndryshuar, shfuqizohet.

Neni 65
Hyrja në fuqi

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6482, datë 25.3.2010 të Presidentit të Republikës së Shqipërisë, Bamir Topi

Share This


0
0
0
Loading...

Return to “Legjislacion - Pyjet dhe Kullotat”

Who is online

Users browsing this forum: No registered users and 2 guests